御前牛盛日式涮涮鍋 (已結業)

打邊爐可以話係我同朋友既最愛之一，天氣凍打邊爐個人就會暴立立。今日跟朋友出黎就約了打邊爐。蕃茄龍蝦湯底呢個湯底真係好濃既蕃茄味道外，還有龍蝦的海鮮味。味道酸酸地十分開胃。肉類首推是美國進口的牛肉片同埋加拿大肩胛肉片，個人特別喜歡美國牛肉片，肉同脂肪比例十分好，而且肉味十分濃，在蕃茄濃湯拖左幾下已經食得，牛肉片更附帶上蕃茄的香味，令到層次更加豐富，而加拿大肩胛肉片也十分好味，大家都食得停不了手，叫了一碟又一碟。除了肉類質素好之外，蔬菜也十分新鮮，食了咁多肉之後就點左蔬菜平衡一下，菜都十分鮮嫩新鮮可口。丸類有部份放係出面可以用自助形式去拎，等唔切可以自己去拎黎食住先，種類都幾齊，龍蝦丸同埋芝心丸真係必試，十分好味。埋單每人$200也是合理抵食，性價比幾高既一間餐廳。