小黑糖 (福昌大廈) (已結業)

🤍小黑糖🖤觀塘開源道63號福昌大廈地下A6號舖今日朋友喺觀塘收工，發現原來附近開咗小黑糖，都好方便好近地鐵站嗰邊，叫左佢幫手買埋我個份。平時飲開珍珠鮮奶或者奶茶類會多啲，今次夜晚就唔飲咁heavy啦，我哋分別叫咗百香綠茶同埋冬瓜茶，另外我哋加咗$4蘆薈，份量超多！足足有成個杯嘅三分之一，同埋真係好大杯抵飲！百香綠茶酸酸甜甜好清新，再加埋蘆薈就夠晒爽口，而冬瓜茶望落好深色，唔怪之得飲落都好濃茶味。