里的茶 (已結業)

新開既手搖飲品店，因為同隔離泰式餐廳相連，所以容易miss左。食泰式餐廳既時候，跟餐可以加$8轉手搖珍珠奶茶。叫左蕎麥珍珠奶茶(原價$25)，估唔到都幾大杯，價錢比起其他台式飲品唔費。重點係，味道出奇地好飲。唔會過甜，而且特別在於，有蕎麥可以揀，基本上好似冇見過其他鋪頭有蕎麥揀。蕎麥味濃，而且珍珠煙韌，冇煮過龍。抵飲。而家仲要新開店，做緊買一送一，有特色水果茶，又有芝士奶蓋，好吸引。整體，食泰式餸菜，又可以飲到台式飲品，一石二鳥。