金田日式放題 (已結業)

尖沙咀金田，聽講開咗好耐，今日就同同事聚一聚，星期五7點幾嚟到寶勒巷，條街唔係好多人，周圍都有人派傳單，一條街都有好幾間放題，其實都唔知邊間好，唔好理，衝上去金田睇吓。上到去，望落都幾爆，得一兩張枱淨，但座位空間感都大，唔會太迫夾，我哋二話不說就坐低展開我哋喪食之旅！頭Round當然係刺身同一品料理，叫咗支清酒，起大支1.8L都係$200幾，三文魚鮮甜又大大件，成盆成盆噤出。海膽手卷-海膽多個飯，好邪悪唷火炙壽司-保持水準羊架-燒得半生熟，不會太韌鐵板帆立貝-帆立貝大大粒放喺鐵板度，夠鑊氣雪花肥牛鍋-湯底清甜，又有隻蛋伴肥牛，熱辣辣有菜食總括來講，食物質素新鮮，一舉手俾放題紙，夥計就即刻收，見佢得幾個夥計都做得切，好嘢，埋單仲有$30Coupon送。下次又可以平d。