海饌 - 海鮮牛扒餐廳 (Fashion Walk) (已結業)

難得近年尾都可以早收工，即約frd去銅鑼灣Fashion Walk歎想食好耐嘅滋味歐陸菜！今次去嘅牛扒海鮮餐廳海饌有多款菜色任君選擇，高質又有氣氛，最啱收工一班朋友或同事一齊歡聚！泰式羽衣甘藍燒牛肉沙律開胃酸辣泰式沙律汁配搭爽脆羽衣甘藍，好有泰國風味，香辣又惹味！香蔥魚子醬炸馬介休條以前食馬介休好怕有陣腥味，今次依道菜絕對無依個煩惱，味道鮮香入口酥脆，以魚子醬做點綴提味，好有驚喜！脆炸蘇格蘭蛋配風腸及蒜蓉蛋黃醬第一次試嘅料理，炸到金黃香脆嘅蘇格蘭蛋，絞肉包裹住流心蛋，口感外脆內軟嫩，肉香同蛋香濃郁！法芥醬忌廉燴黃油春雞配烤中東烤餅超！好！食！本身驚會太膩但完全無，法芥醬忌廉嘅奶油香配烤餅同黃油春雞肉都好夾，雞肉非常嫩滑，值得一試再試！