𠽌𠽌

营业中

休息中

星期日嚟到深水埗基隆街揾食見到呢間新開嘅café就入去幫襯吓食物價錢都好親民，仲有得用套餐價加飲品同甜品性價比高，非常加分🤩🌟三文魚蕃茄魚湯烏冬魚湯非常濃郁🐟🐟🐟好有媽媽屋企愛心魚湯feel飲完冇口乾，無味精真材實料👍🏻加埋蕃茄🍅嗰湯酸酸甜甜非常開胃烏冬索晒啲湯超好食🤤煎三文魚火喉控制得好好外皮好脆，魚肉一咬就有好香嘅魚油🌟明太子煙肉蘑菇忌廉意粉意粉嗰醬好creamy明太子嘅鮮味加上煙肉嘅咸香成個意粉非常惹味😋😋😋🌟芝麻Panna Cotta奶凍滑溜得嚟有好香濃芝麻味加埋最上面嗰層超濃厚嘅芝麻醬，非常高質🌟開心果芝士蛋糕開心果熱潮下好多cafe都必備嘅開心果menu依度嘅開心果芝士蛋糕開心果味超濃🤤大滿足🌟牛油果乳酪奶昔牛油果奶昔好幼滑🥑加左乳酪酸酸甜甜幾開胃好啱依家咁熱嘅天氣飲🌟latte咖啡都好值得一試咖啡nutty，甘香得嚟唔會太苦有啲後悔加左奶😂😂😂應該要叫返Expresso-Cafe有戶外座位，就算帶住毛孩都冇問題入面仲有唔少board game一大班朋友都唔怕悶我哋兩個人full course叫左主菜飲品同甜品埋單都係每人百零蚊性價比高🤩啲食物又高質一定會再encore