怒茶巷 (已結業)

去葵涌廣場掃街食完野就想買杯野飲下，呢度野飲都好多選擇，有日本果汁，咖啡，珍珠奶茶，仲有糖水添，我今日就行左去摩登世界嗰邊，一間叫怒茶巷既手搖飲品，一見到張餐牌，就俾個叔叔之愛（粟粟芝愛）吸引住，即刻叫左一杯，另外叫左杯怒之水果茶。店員好貼心，見我拎住好多野，就用貼紙貼好開口位，等兩杯飲品唔會溜出黎。呢度仲有好多mirror既相，鏡粉行過記得黎睇下。粟粟芝愛 - 即係粟米奶蓋，唔係淨係得個名有創意，係真心好味，芝士奶蓋咸香幼滑得黎夠企身，可以用湯匙不黎食，好濃粟米🌽味，好似飲緊濃濃粟米湯咁，甜品飲品一次過做到晒。怒之水果茶 - 茶底香濃，入面有有好多果肉，有蘋果🍎，西柚🍊，熱情果，同橙，飲落去啖啖果肉，感覺好清新。