老厝邊

营业中

休息中

大角咀的人氣台灣店喺銅鑼灣開分店，午市唔算多人，可能銅鑼灣的競爭比較大。牛的款式有牛展、牛筋和牛肚，可以選乾拌麵或者紅燒湯底。✡✡半筋半肉蔥油拌麵✡✡呢個超失望，首先可以見到牛展係青青紅紅，夾起係軟淋淋，食落係酸酸地。我唔肯定呢啲係咪「眷村」口味，但真係唔太啱我口味。肉質唔係炆到入味香濃嗰啲，單純地霉霉地。蔥油拌麵預左多油，但成餅野搞唔散，超實，而且拌麵質地軟，一啲咬口都冇。只係每條都沾滿油，食幾啖都滯。✦香噴噴炸雞排便當✦呢個真心好食好多，炸雞排非常酥脆，食落去真係咔嚓一聲，雞肉好滑，大推～配菜好豐富，全部配飯都好好食，特別係茄子，送飯一流。