金色不如帰 (又一城)

营业中

休息中

🍴螃蟹湯拉麵 $148拉麵用咗清雞湯同原隻三星蟹湯做底湯，面頭再加埋秘製紅蟹蟹油同蟹肉醬，成個湯底味道都好濃稠。配料除咗兩片慢煮叉燒，仲有酸忌廉同埋檸檬，更加帶出到蟹味嘅鮮甜味。🍴貝汁醬油拉麵 $128貝汁即係蜆肉湯底，呢個係又一城分店嘅主打湯底，面頭有松露油同牛肝菌，所以呢款拉麵會比較滑身啲，味道會比蟹湯拉麵清味。🍴黄金蟹肉餃子 $88本身覺得幾貴，但原來蟹肉同豚肉比例係1:1，食落又真係見到一絲絲蟹肉，同埋餐廳煎得脆口又唔油！🍴比目魚柚庵燒 $118呢款燒魚係用柚子醬油、清酒同味醂醃完再燒，口味有啲似西京燒比目魚，一入口就食到好香柚子味，口感幾清新。