泰斗 (TKO Gateway西翼) (已結業)

📍呢間泰國餐廳係坑口咁多間嚟講最舒服，會有玻璃窗邊坐氣氛都幾好，多人食仲有梳化位可以揀，夜晚嚟同屋企人或朋友食飯都適合！💕 生菜包($98)可以揀辣度，送嚟嗰陣時仲會有埋炸豬皮都幾惹味。汁燒牛小排($168)會燒到半熟，牛味都濃但就比較肥，我麻麻哋不過屋企人幾鍾意😂💕餐廳仲有唔少自創嘅新食品，見到有冬陰功炒飯都幾想叫不過最後就揀咗蝦醬炒飯($88)，蝦醬都落得幾多，成個飯會偏向鹹口，再加埋臘腸，呢個飯幾重口味🤭最推薦係串燒($32@2)，每款都係即叫即燒，仲要燒到外皮好脆口。