影片
更多
2025-08-14
74 浏览
鐵牛台灣牛肉麵 Iron Cow Taiwanese Beef Noodles📍尖沙咀加連威老道96號希爾頓大廈LG樓28號舖到尖沙咀牙科複診後，去到遊客區覓食。行過見到地庫有間裝修唔錯嘅餐廳，主打好耐無食嘅台灣菜，二話不說就入座。鐵牛台灣牛肉麵食物選擇超多，份量大，價錢合理，味道穩陣有水準，特別係鍋類同滷味，真係頗有台灣街頭小店嘅風味。 💰$56麻辣鴨血豆腐粉絲鍋 🍜粉絲鍋湯底香中帶麻，麻同辣平衡到位，絕非死辣。鴨血豆腐入口爆湯，彈性十足；粉絲盡吸麻辣精華，口感豐富，呢個價錢嚟講，CP值算高。 💰$58綜合滷味拼盤 🧆經典台灣小吃滷味拼盤，有齊滷蛋、滷大腸同豬耳爽，每一樣都經過精心熬製。滷汁煮得入味，滷蛋外皮吸滿香氣，入口滿滿滷香。大腸乾淨、無腥味又唔韌，而豬耳爽脆得嚟有啲膠質感，值得一試。 💰$128鐵牛臭臭鍋 🍲嚟到重頭戲，台灣傳統庶民小食代表—地道臭臭鍋！材料超澎湃，有鴨血、大腸、芋頭貢丸、粉絲、蕃茄、蜂巢豆腐、蟹柳、魚餃、魚豆腐、響鈴、娃娃菜、金針菇、米血糕、冬菇、白蘿蔔…仲配埋西班牙豬肉片呀！融合經典火鍋食材嘅臭臭鍋，湯底越滾越香，主角臭豆腐「臭」味強烈，但正正係火鍋嘅
📍尖沙咀加連威老道96號希爾頓大廈LG樓28號舖
到尖沙咀牙科複診後，去到遊客區覓食。行過見到地庫有間裝修唔錯嘅餐廳，主打好耐無食嘅台灣菜，二話不說就入座。
鐵牛台灣牛肉麵食物選擇超多，份量大，價錢合理，味道穩陣有水準，特別係鍋類同滷味，真係頗有台灣街頭小店嘅風味。
[價錢 Price]
💰$56
麻辣鴨血豆腐粉絲鍋 🍜
粉絲鍋湯底香中帶麻，麻同辣平衡到位，絕非死辣。
鴨血豆腐入口爆湯，彈性十足；粉絲盡吸麻辣精華，口感豐富，呢個價錢嚟講，CP值算高。
[價錢 Price]
💰$58
綜合滷味拼盤 🧆
經典台灣小吃滷味拼盤，有齊滷蛋、滷大腸同豬耳爽，每一樣都經過精心熬製。
滷汁煮得入味，滷蛋外皮吸滿香氣，入口滿滿滷香。大腸乾淨、無腥味又唔韌，而豬耳爽脆得嚟有啲膠質感，值得一試。
[價錢 Price]
💰$128
鐵牛臭臭鍋 🍲
嚟到重頭戲，台灣傳統庶民小食代表—地道臭臭鍋！材料超澎湃，有鴨血、大腸、芋頭貢丸、粉絲、蕃茄、蜂巢豆腐、蟹柳、魚餃、魚豆腐、響鈴、娃娃菜、金針菇、米血糕、冬菇、白蘿蔔…仲配埋西班牙豬肉片呀！
融合經典火鍋食材嘅臭臭鍋，湯底越滾越香，主角臭豆腐「臭」味強烈，但正正係火鍋嘅精髓！
招牌鍋配料多樣，非常豐富，愛食台式當火鍋嘅朋友不容錯過。
[價錢 Price]
💰$79
柚子蜜香雞排滷肉便當 🍱
大大份嘅半煎炸雞排香甜帶柚香，皮焦肉嫩，食落清新唔油膩。半肥瘦滷肉伴珍珠米飯，鹹香開胃，夾埋三款台式配菜，成個feel好有台式便當嘅感覺。
睇埋個價錢，晚市$80有找，有菜有肉，營養豐富，真係抵食！
[價錢 Price]
💰$36
大甲椰椰芋香 🥥
呢杯係鐵牛特色飲品之一，奶茶底有濃郁的椰香味，搭配上芋香，兩者融合得宜。整杯飲品唔會太甜，奶香順滑，口感清新，顏色仲好靚添！
[價錢 Price]
💰$36
草莓牛奶爆珠 🍓
呢杯絕對係少女心之選！草莓牛奶味甜甜哋，搭配上爆珠的口感，增添唔少層次，好玩又好飲。
张贴
