円相

营业中

休息中

明太子燒飯團$46 見到飯團上面滿滿嘅明太子醬已經好開胃！份量好足夠每一啖飯團都可以食到明太子醬。明太子好送飯，辣辣地嘅調味恰到好處，唔會太辣之餘仲遮住咗啲腥味。醬油燒飯團$42 飯團386度都查滿咗醬油，而且醬油搽得好勻循同埋量又較多，所以個飯團好快就清左。表面仲會煎咗一煎先，外皮又香又脆。柚子胡椒雞軟骨$68 柚子味好清爽，所以炸雞食落去唔會有油膩感。胡椒味亦都令到雞軟骨更加惹味，食完一粒又一粒。炸完之後又唔會好乾，好啱配酒，一路傾偈一邊飲酒。和風紫菜魷魚鬚$88 炸完之後唔油膩，而且好酥脆。魷魚鬚亦食得到佢係好新鮮。食落去香脆惹味！自選燒鳥串三款$98 揀咗兩款月見汁免治雞肉燒棒串，雞肉加埋燒汁表面脆脆，而且甜甜地。加埋月見蛋黃口感更加滑嫩，而且仲有濃郁嘅蛋黃香味。雞腎口感紮實表面畫咗一個交叉所以調味更入味。日式漬茄子$42作為頭盤冷盤咁樣食好開胃。醬油醃製嘅茄子被茄子索得好入味。甜甜鹹鹹咁樣交替為一餐打好個頭。