新南苑海鮮飯店 (已結業)

呢度有幾個相連的舖位，差不多霸了成半條仁愛圍。曾於平日的晚上到來發覺都有唔少人。涼瓜炆倉魚係朋友推介，涼瓜煮得入味又林，加上略炸過的倉魚幾正。粉腸雜有濃濃的酸辣湯，加上各式豬什及味菜，實在是一道幾適合送啤酒的潮州菜。另每晚有18蚊特價小菜提供，飲多幾支啤酒都係每人六十幾，幾抵食。大排檔當然環境唔會好得去邊，但食物水準及價錢可以搭救，天氣不太熱的話都可一試。