新肥泉海鮮大排檔

营业中

休息中

港式大排檔隨着時間真係買少見少。而呢一間位於官涌熟食中心嘅新肥泉海鮮大排檔絕對係一個值得一試嘅港式傳統大排檔。 新肥泉海鮮大排檔除咗有唔少傳統嘅小炒菜式可以選擇，仲有各款生猛海鮮小炒同打邊爐可供選擇。另外夜晚仲分價錢等級，又唔同種類嘅小炒、打邊爐或海鮮放題可以揀，傳統中大有一啲現代化嘅新穎！另外方便食客，新肥泉海鮮大排檔仲可以QR code落單非常之方便。新肥泉海鮮大排檔嘅小炒種類多，上菜速度快之外，亦炒得夠鑊氣，值得一讚。同朋友都比較細食，所以我哋叫咗四美小炒：黃金炸茄子：以鹹蛋黃包裹住茄子再炸得香酥可口仲炒得起沙味道唔錯👍🏻黑椒薯仔牛柳粒：黑椒汁炒牛柳粒同薯仔粒份量頗大，都好惹味。鹹魚雞粒豆腐煲：嫩滑嘅豆腐同雞柳配上香濃嘅鹹魚粒味道唔錯。另外煲仔都夠熱辣，送飯一流。腰果黑醋骨：酸甜嘅糖醋豬配上腰果用料十足。酸酸甜甜在帶有腰果香味都係一個值得推介嘅小炒。手拍小黃瓜：清新脆口嘅小黃瓜配上黑木耳辣椒油同蒜末等調味，十分清新嘅開胃小菜。