糖室 (已結業)

同好耐冇見既朋友去左石峽尾南山邨新開既甜品舖食甜品~ 店舖係南山邨平台既冬菇亭，同區既甜品舖不多，驚喜既係無論環境同味道都唔錯!舖面不大不過環境非常舒適，有室內同室外既座位，室內除左普通坐椅仲有吧台，門口有室外木桌椅同埋一張吊椅。甜品種類亦很多~ 有唔少特色甜品如鐵觀音奶凍/檸檬夾心餅心太軟...甘有太多野想試，有選擇困難症既我地諗左好耐最後決定要烏龍茶奶凍同藍莓吐司條好快d野食就送上黎，野食一上我地已經比吐司條既香味吸引住，一食真係不得了! 吐司條非常香脆，好食到我同朋友停唔到口，配合附上既藍莓醬同乳酪雪糕好夾，極速被我同朋友掃光 另一款烏龍茶亦唔錯，奶涷好滑亦有微微既茶香味，正好平衡返食完吐司條既飽滯感，仲好岩我依D仲意茶香既人~烏龍茶奶凍 配焦糖脆脆 ($32)蜂蜜藍莓吐司條 配乳酪雪糕 ($44)佢其他甜品都好吸引，見到隔離台order既野莓心太軟都好靚好特別，不過我地只得兩個人試唔到太多，唯有下次再食~可惜今次唔夠時間慢慢坐，如果下次黎坐係門口既吊椅座位慢慢品嚐佢既甜品應該非常寫意~ 好難得依區有甘間有特色又好食既甜品店，下次會試佢既宇治抹茶梳乎厘同蝴蝶脆餅花生醬奶昔