新肥泉海鮮大排檔

营业中

休息中

之前勁多人討論依一間大排檔放題，搞到我心思思，所以就安排咗呢幾日去試吓佢嘅放題！佢288就有得食唔同嘅小菜，388有得打邊爐佢一碟嘅份量同平時點嘅份量一樣，唔會太多或者太少。味道方面好味，首先我叫咗個豬潤啫啫雞煲，雞煲好香，不過豬潤略嫌切得太厚。另外亦都叫咗一個小炒王，好香，有蝦魷魚，韭菜，花生，菜甫，蝦仁等等。由於菜甫同蝦仁係偏鹹嘅，所以配酒或者配飯就一流。仲有我哋叫咗個拍青瓜，青瓜非常之香，調味幾好，都滿意。飲品都有得任叫，我叫咗一個梳打水同埋一罐汽水估。唔到佢梳打水係用玻璃樽裝，都幾驚喜。