炸雞翼配明太子醬，熱辣辣既炸雞翼當然要快d 品嘗，炸雞翼脆度正常，肉質口感尚可，明太子醬都好好味。
蟹膏燴飯
擺盤好精美，蟹殼上放左配料，同risotto撈埋一齊食。首先可以試左一啖未撈既，會食到好香濃既忌廉味，飯質都適中，唔會太硬或者太糊狀，撈埋蟹膏，蟹肉🦀️同蟹子一齊，口感同味道昇華另一個層次，每啖都有蟹膏同蟹肉既鮮味，蟹子令到有唔同既口感。
啤酒
一邊食一邊飲手工啤酒 就最岩，買兩枝會有promote，當然同朋友一人一支。今次叫左一款比較苦，另一款有淡淡既香甜味.
餐廳擺設有種歐美餐廳既裝飾，掛左特別風格既畫，餐廳有分上下鋪，坐位都好足夠，同朋友一齊黎食可以飲下酒傾下計。
