影片
更多
2011-05-15
56 浏览
尋日(14-5-2011 Sat)同爸爸,大哥入屯門,出席由英國返o黎o既六舅父為外婆擺o既壽宴,6:45pm我o地差唔多人齊,就出發去酒樓,包o左一間房開三圍,二哥就o係我o地影相時到o黎.我同八姨,兩個哥哥及一眾表妹表妹夫一圍,然後開餐喇!1. 乳豬全體開頭食o個件都OK,皮脆脆地,之後食o個件就腍腍地.然後又夾件肉,唔蘸醬食穿都覺得鹹.味道: 2.8分2. 龍蝦上湯伊麵咁快上伊麵o既?大大碟,有好多易食o既龍蝦肉,龍蝦新鮮,但我覺得伊麵麻麻,即使唔知係侍應.定經理話索晒汁好好食我都冇興趣試.味道: 3.8分3. 雜菜炒雙蚌係珊瑚蚌同唔知咩蚌,雜菜有蓮藕片,四季豆,黑木耳同紅黃燈籠椒,呢個味道都幾好,算幾惹味.味道: 4.3分4. 瑤柱髮菜原粒瑤柱冇異味,有草菇,但原來我冇食髮菜.而二哥覺得呢個有啲鹹.味道: 3.5分5. 時菜孖寶孖寶係鴨掌同鮑片,時菜係生菜.睇見顏色唔深,蠔油應該唔係好多.食吓,鮑片冇問題.鴨掌唔係腍到一咬就爛晒o個隻,但又唔係好硬,但就淡而無味.味道: 2.5分6. 雞絲翅我只落好少o既醋,都竟然幾鹹.味道: 2.7分7. 清蒸唔知咩斑好大條,但未完全蒸熟,或
我同八姨,兩個哥哥及一眾表妹表妹夫一圍,然後開餐喇!
1. 乳豬全體
開頭食o個件都OK,皮脆脆地,之後食o個件就腍腍地.然後又夾件肉,唔蘸醬食穿都覺得鹹.
味道: 2.8分
2. 龍蝦上湯伊麵
咁快上伊麵o既?大大碟,有好多易食o既龍蝦肉,龍蝦新鮮,但我覺得伊麵麻麻,即使唔知係侍應.定經理話索晒汁好好食我都冇興趣試.
味道: 3.8分
3. 雜菜炒雙蚌
係珊瑚蚌同唔知咩蚌,雜菜有蓮藕片,四季豆,黑木耳同紅黃燈籠椒,呢個味道都幾好,算幾惹味.
味道: 4.3分
4. 瑤柱髮菜
原粒瑤柱冇異味,有草菇,但原來我冇食髮菜.而二哥覺得呢個有啲鹹.
味道: 3.5分
5. 時菜孖寶
孖寶係鴨掌同鮑片,時菜係生菜.睇見顏色唔深,蠔油應該唔係好多.食吓,鮑片冇問題.鴨掌唔係腍到一咬就爛晒o個隻,但又唔係好硬,但就淡而無味.
味道: 2.5分
6. 雞絲翅
我只落好少o既醋,都竟然幾鹹.
味道: 2.7分
7. 清蒸唔知咩斑
好大條,但未完全蒸熟,或者怕越表面o既肉過’o鞋’o掛.不過熟o左o既肉都真係好開始到’o鞋’o既狀況.但總括條魚都可以o既.
味道: 3分
8. 上湯浸鮮雞
伴碟o既係菜心,隻雞唔肥,我鍾意食雞胸肉,但已經’o鞋’喇.不過呢隻係新鮮雞,所以雞o既味道係好濃郁.
味道: 2.8分
9. 干燒伊麵同蛋白炒飯
我揀o左有乜顏色o既後者,味道,真係同顏色一樣－清.只係比食白飯好一點點,料就好似真係只有蛋白,飯亦炒得乾o左啲.
味道: 2分
10. 壽桃
大大個壽桃側邊擺o左好多細壽桃,我o地叫侍應等等,畀我o地影o左相先,然後佢切開大o個個,下面亦有好多壽桃,但原來唔係藏o係大壽桃內,大壽桃只係一層做到似壽桃o既麵粉,蓋住下面o既壽桃.
好喇,我o地食喇,壽桃好乾,蓮蓉少同唔係咁夠甜,好失望.味道: 1分
11. 蓮子百合紅豆沙
開頭食呢個覺得唔夠甜,亞哥話我食完壽桃梗係覺得唔夠甜.我就飲啖茶再食,嗯,係甜返啲,不過都係唔夠甜,但可以接受囉.
味道: 3分
12. 椰汁桂花糕
椰汁味道清甜,桂花糕都唔錯,口感亦唔差.
味道: 4.5分
呢晚同班表妹們一齊食,有講有笑好開心.
價錢應該係四千幾蚊一圍,不過因為十一舅父係呢家酒樓o既熟客,所以我o地得到老闆娘親自走招呼.而且份量都好多.所以請睇到我呢篇食評o既朋友們,o係抵食度同服務都唔好參考我呢篇喇.
而我自己就係第二次o黎呢o度同外婆家人食飯,上次係2008年3月初,當時媽媽仍在,亦因六舅父舅母由英國返o黎行吓,我o地就o黎食個晏.
環境:
覺得冷氣唔係幾夠.
张贴
