一茶詞 (已結業)

食得多，成日有飽滯感覺，想飲返杯野解渴消滯。 經過旺角警署對面一間小茶店「一茶詞」，飲品款色都算多，標榜原片茶沖泡，強調真材實料，一於試吓。同朋友不約而同睇中【果茶系列】，心動，不如行動！朋友揀左《紅柚滿滿$25》，大大杯，紅柚亦大大片。我揀左《水果一茶詞$27》事先問左店員少甜會唔會更好，佢話正常甜度都唔錯，因為本身都好少甜，好，信佢！ 叫左杯正常甜，果然甜度啱啱好喎！ 茶味香之餘，水果種類超多，檸檬、青檸、橙、西柚、百香果、荔枝都有三粒，果然真材實料，好好好好飲，我真心推介。