Spade by Lassana (已結業)

今晚返屋企食飯，妹妹吩咐我要去Spade by Lassana  買呢個焦糖芝士蛋糕返去做飯後甜品！芝士蛋糕都係我最愛之一，沒有拒絕的理由，我只好奉命行事啦。search左地址，原來喺油塘地鐵站附近商場大本型內。我一出地鐵站大本型出口行約2分鐘就見到Spade by Lassana 啦！佢就喺商場G/F 大堂，開放式的，唔會搵唔到。一心想買那個焦糖芝士蛋糕，於是很有目的地直奔counter買。蛋糕櫥櫃上有個店員即場喺度整緊甜品，我估應該係未成形的芝士蛋糕。玻璃櫥窗內躺著數個芝士蛋糕，用小圓木盒裝住，我買左其中一個，店員小心翼翼取出蛋糕，然後蓋上木蓋子，包裹好遞俾我。蛋糕係迷你size, 約手掌般大，但拎上手相當'聚'手，相信非常足料。$78 絕對超值。返到屋企，妹妹一手搶過蛋糕，迫不及待要食，飯後甜品變飯前甜品！芝士蛋糕質感非常綿密，但又不會乾硬，入面保持濕潤，芝士味濃郁，好似仲有少許檸檬酸味，甜而不膩，餅面那層焦糖烤得金黃色，十分誘人，薄脆嘅焦糖加軟綿芝士蛋糕加埋消化餅底一齊食，口感豐富！蛋糕好快被解決，好想再encore!