沐淳 (已結業)

原來夏茶轉左做呢間沐淳，門面裝修簡約，今日行過，都幾多人等緊。點左芋頭鮮奶，係沐白既水準，好好飲。芋頭系列既另外三款都好吸引，今次就飲最經典既。大甲芋頭鮮奶，少冰$30。落完單等左5分鐘左右就到手。搖勻芋泥就即飲~~份量同沐白一樣，高質，真材實料，奶、芋泥都香濃，不過些微甜了一點點。9/10分。回味無窮，芋頭鮮奶，飲過珍煮丹既都同樣好飲。另外三款加芝士/黑糖/芋圓既下次再試~熱門排行榜，原來係芋圓芋頭鮮奶排榜首。學生著校服可以減$3架。呢間暫時係我覺得元朗最好飲既手搖茶飲舖，唔會伏。