影片
更多
2009-10-10
9 浏览
前排國慶節一家4口咁去試吓依間「久仰大名」ge五月花。我地六點三到，既有discount又大把位，建議大家都效發吓啦! 先旨聲明以咁ge價錢抱著入酒店食ge心態一定會失望! 記著一分錢一分貨相信會食得開心d講吓小弟食自助餐/放題ge心得先。我認為食任食最緊要係食得有層次，如果唔係亂咁食，根本連食緊咩到唔知 以下次序可以比各位參考吓: 1. 冷盤 海老沙律 ---------- 淨係得蝦、菜、醬，比較淡、唔醒胃 蟹籽沙律 ---------- 基上同上 中華沙律 ---------- standard 水平小結: 唔係特別鍾意ge朋友，食少少中華沙律開胃就算啦2.貝殼類 清酒骨湯熟大蜆 ---------- 蜆較細，味清淡、欠鮮甜 台北路邊田螺 --------- 比蜆略好，但仍然唔夠惹味小結: 貝殼類ge粉絲應該會失望了，但都勉強可以3.刺身 刺身共七款 --------- 最然款少冇貴o野，但係跟足單又夠新鮮，而且整體質素唔錯ge，個人認為係全晚比較好ge，必食4.壽司/手卷 壽司/手卷共十多款 ---------- 依類確係比較平凡，整體味道跟超市的差唔多，但款式更少，食左
講吓小弟食自助餐/放題ge心得先。我認為食任食最緊要係食得有層次，如果唔係亂咁食，根本連食緊咩到唔知 以下次序可以比各位參考吓:
1. 冷盤
海老沙律 ---------- 淨係得蝦、菜、醬，比較淡、唔醒胃
蟹籽沙律 ---------- 基上同上
中華沙律 ---------- standard 水平
小結: 唔係特別鍾意ge朋友，食少少中華沙律開胃就算啦
2.貝殼類
清酒骨湯熟大蜆 ---------- 蜆較細，味清淡、欠鮮甜
台北路邊田螺 --------- 比蜆略好，但仍然唔夠惹味
小結: 貝殼類ge粉絲應該會失望了，但都勉強可以
3.刺身
刺身共七款 --------- 最然款少冇貴o野，但係跟足單又夠新鮮，而且整體質素唔錯ge，個人認為係全晚比較好ge，必食
4.壽司/手卷
壽司/手卷共十多款 ---------- 依類確係比較平凡，整體味道跟超市的差唔多，但款式更少，食左刺身可以唔食都得啦!
5. 中式熱葷
霸皇蔥油雞 ---------- 啖啖肉，但鮮味稍欠
chopstick: 七味雞軟骨 ---------- 香得來又有召頭，下酒一流!
美極煮大蝦 ---------- 油泡得火喉到家，夠入味，雖然蝦細仍然值試推薦
人氣一口牛 ---------- 我篇篇食評都講:「牛肉平價冇好」，但家人要叫，又應驗左
台式熏魚 ---------- 不過不失啦! 想唔到食咩可以試吓
冬菇扒時蔬 ---------- 鑊氣夠，有酒樓水準。而且食番條平衡吓感覺都幾好
小結: 以中式熱葷做主力係敗筆! 雖然款多但係水平切參差，只點三四款好啦，唔好亂叫大包圍呀!
6.粥粉飯麵 粥 ---------- 試左兩款都唔掂，水還水渣還渣，又冇鮮味，唔好食
台式肉躁飯 ---------- 好大碗 但真係勁淡口、飯又多水，好難食! 千期唔好叫
小結: 粥飯一定唔掂，拉麵/烏冬就試過先知啦
7. 燒物
鹽燒秋刀魚 ---------- 選料上乘，肉厚且不苦，燒功亦恰到好處，一人半條亦不為多，必食
鹽燒鯖魚 ---------- 評如上，亦屬不能錯過
小結: 全店做得最出式ge類別，建議集中火力
8.揚物
海老天婦羅 -------- 唔錯ge，不過一件就好滿足了
軟殼蟹天婦羅 -------- 都ok，不粉多左d，而且有時冇咩肉食，食左蝦仲有肚先食啦
小結: 都唔錯ge，值得試但份量唔好預咁多先
9.甜品
桂花糕 -------- 桂花香不足、味淡
雪米池 -------- standard，不過唔好唔記叫呀!
小結: 得兩款，埋單前食番舊雪米池算啦!
總括而言，依度食物款式多，中日台都有，係賣點亦係敗筆，因為好多味都煮唔「到位」! 只能夠說依道係果d想盡情大吃一餐ge人既天堂。至於只鍾情某一種菜系ge朋友可能會失望啦! 五月花ge食物質素同其索價係OK ge，服務又算殷勤，有下次! 但again，唔好同酒店比law~
张贴
