金裝燉奶佬餐廳 (美孚新邨) (已結業)

好夜放工番到美孚已經10點，冇咩食店未關，見燉奶佬已經係除左麥當勞外唯一選擇，所以去左買外賣。9pm開始會有宵夜時間，餐牌上嘅野會相對平少少，但都四十幾蚊，加埋凍飲就接近$50一個餐喇。不過已比晚餐平叫左一個XO醬大蝦炒公仔麵。唔知係咪個大廚放假？呢個麵簡直唔係一個識煮野嘅人炒出黎1）蝦一啲都唔爽、亦唔係粉，係硬又乾好似正常蝦同蝦米中間個狀態咁⋯咁嘅狀態真係第一次食，另外亦全無蝦味。若果我係喺大陸食到呢隻蝦，我會完全懷疑係咪假蝦⋯但咁大個香港飲食集團我相信一定唔會。相信真係師傅問題2）麵炒得唔勻，有啲位冇色，全個麵亦豪無獲氣。喺我真係超肚餓嘅狀態，我先食到個麵。當然蝦就真係食左一啖就不了⋯