大將 (已結業)

朋友住喺將軍澳，夜晚食飯就到附近Popcorn搵食，心血來潮好想打邊爐，見到呢一間大將感覺好乾淨，食物望落都唔錯，便入去試吓。這裏環境非常摩登，用上大地木色系，裝潢很有風格，坐得十分舒適。我們點了澳洲和牛放題 ，$258一位，價錢上可以，不算太貴。這裏是一人一鍋，可以兩位朋友點唔同湯底互相share。我點了這裏的招牌富士蘋果湯，朋友就是博多味增湯。富士蘋果湯湯底除了富士蘋果，還有蟲草花，非常滋潤養顏。飲落湯底都好清甜！醬油選擇都非常多，韭菜醬油幾特別，可以試吓！澳洲和牛有超濃郁的和牛脂肪香，口感豐腴，牛味濃郁，油脂在嘴裏爆發！這裏除了可以任食火鍋配料之外，外面還有不少熱食，唐楊炸雞，炒飯等等，食物都好豐富！大將炒飯粒粒分明，吵得乾身有鑊氣，味道唔錯。一口澳洲和牛再一口炒飯，非常滿足。其他火鍋配料感覺好乾淨衛生，每一份都有透明蓋蓋着，食得放心。甜品區選擇都有好多，有自助雪糕機，仲有相當多的配料！仲可以整窩夫！好特別！窩夫充滿蛋香幾唔錯！整體環境好唔錯，食物衛生乾淨，對於現在食火鍋來說，真係好重要！