初心

营业中

休息中

老公最愛打邊爐，趁放假前夕大家放鬆心情食餐好的。餐廳裝潢優雅，乾淨企理，感覺舒適。地方挺闊落，大部分都係四人枱和舒服的卡座，亦有大圓枱，大夥兒打邊爐最開心，當然我地兩個人也打得開心。除咗雞煲火鍋任食套餐外，亦有小菜、晚巿套餐等選擇。我地一心打邊爐，揀了雞煲火鍋任食套餐 ($318/假期前夕)，有六道菜，包括宮廷小食、三文魚刺身、招牌雞煲、火鍋配海鮮拼盤和任食配料、飲品和甜品。先到飲品區，有多款汽水、茶、台灣飲品、韓國飲品等任君選擇，還有任飲醇滑嘉士伯啤酒。拎咗冷泡茶和啤酒，可消滯解渴。先上五款宮廷小食(可追加)，有香脆鮮美的松露蝦多士、香辣爽滑的麻辣鴨血、酸香開胃的紅酒喬頭漬、爽口入味的漬牛蒡、香脆可口的椒鹽三文魚頭腩。各具特色，一樣咁好味吸引。招牌雞煲 出場，要了小辣。除咗有雞件外，仲配咗紫洋蔥、支竹、豬皮、紅青椒等，好豐富。每件雞都啖啖肉，弄得入味，味道鹹香帶辣，好惹味！仲有索晒汁的配料，都好好味。因為今期少食生冷嘢，故不要三文魚剌身，但見隔離枱一盤盤的刺身相當新鮮厚切肥美，好正咁!輪到火鍋，嘩! 宮廷式的鍋子，很優雅! 在多款火鍋湯底中揀了蟲草花南瓜鍋，內有大量爽口的蟲草花、甜美