大家樂 (愉景新城)

营业中

休息中

去左荃灣去大家樂，霸個靚位据個靚扒，咁今期佢有幾款扒餐選擇，我記得有牛扒餐，我食呢個既雜扒餐啦。呢個餐有一塊豬扒、雞扒、仲有一條司華力腸&玉米。首先豬扒煎得幾好，外皮煎到金香可口夠哂脆口，D肉又唔會話韌。雞扒肉質好滑，份量好大塊，雞扒層皮亦都煎到金香可口。仲有條司華力腸都好好味，唔會話好重腸仔既味精味。今次就配左黑椒汁，個汁唔會好辣，但又夠味，加埋個玉米，成個套既份量都好充足好飽。但係佢個酥皮湯就真係唔得啦，個酥皮冇問題既都係好香酥好好味，但個湯就唔得啦，佢個所謂既羅宋湯係淡得黎得胡椒味，直情可以叫胡椒水。