大家樂 (已結業)

朝早嚟大家樂食早餐，發覺真係好多人排隊，我自己點左份米粉熱狗雞扒套餐，尖沙咀呢間環境都唔錯噶，就近解決完仲要去翻工 奶茶唔錯，雖然無其他茶餐廳特別好飲，不過仲係味道比較香濃，唔會話好似滾水咁，雖然米粉好似好清淡咁，不過啲米粉真係俾超多吖，食唔曬 同事食左份黑椒牛柳拌麵再加檸檬紅茶，啲醬汁撈麵令啲麵特別入味，而且牛柳好多，好抵食。檸檬茶有檸檬味吖 碗仔翅好大碗，而且好夠味。入面啲料好多，食落口好滑。個菠蘿油入面有好香甜噶奶油，外面噶酥皮好鬆軟。