影片
更多
2018-02-17
321 浏览
新年又到，每年初一屋企都會開大食會，邀請親戚上嚟食飯。由於好多人會嚟拜年，我地屋企一般會訂大家樂嘅盆菜同其他食品，食咗幾年了所以今年都有繼續訂。一去到大家樂就見到有節日外賣取餐處，入面已經放晒所有外賣嘅新春餐，而且有專人負責派餐，所以完全唔洗等同唔會有混亂情況出現。去到比單佢就好快可以拎到我地預訂嘅食物，所有食物都已經幫我地熱好咗，然後職員會將盆食物放入紙盒保䁔(雖然都幾唔環保)，佢都有問我地要唔要即棄餐具。我地叫咗鮑魚瑤柱福袋盆菜10-12人用($818)，如果用DBS信用卡比錢仲有平$30。材料非常豐富，有鮑魚、日本瑤柱、黃金福袋、蝦、蠔豉、花菇、豉油雞、燒鴨、南乳炆蓮藕、南乳炆腩仔、炸魚蛋、沙嗲魷魚、沙嗲豬皮、蠔菇、鴨掌、栗子、枝竹、蘿蔔及西蘭花。材料咁多就唔逐樣介紹啦，不過其中花菇、鮑魚、鴨掌、福袋就特別好食。花菇好入味，夠大粒同埋夠林身。呢個盆菜有10隻鮑魚，味道都鮮同有咬口。至於鴨掌，入味得嚟d皮好爽口。最後我自己就最鍾意個福袋，佢係豆腐皮入面包住西芹、豬肉、冬菇等材料，個個都脹卜卜好足料。但盆菜入面燒鴨就比較肥膩。另外我地有叫到百花鑲蟹鉗12隻($236)。蟹鉗都算大隻，
去到比單佢就好快可以拎到我地預訂嘅食物，所有食物都已經幫我地熱好咗，然後職員會將盆食物放入紙盒保䁔(雖然都幾唔環保)，佢都有問我地要唔要即棄餐具。
我地叫咗鮑魚瑤柱福袋盆菜10-12人用($818)，如果用DBS信用卡比錢仲有平$30。材料非常豐富，有鮑魚、日本瑤柱、黃金福袋、蝦、蠔豉、花菇、豉油雞、燒鴨、南乳炆蓮藕、南乳炆腩仔、炸魚蛋、沙嗲魷魚、沙嗲豬皮、蠔菇、鴨掌、栗子、枝竹、蘿蔔及西蘭花。材料咁多就唔逐樣介紹啦，不過其中花菇、鮑魚、鴨掌、福袋就特別好食。花菇好入味，夠大粒同埋夠林身。呢個盆菜有10隻鮑魚，味道都鮮同有咬口。至於鴨掌，入味得嚟d皮好爽口。最後我自己就最鍾意個福袋，佢係豆腐皮入面包住西芹、豬肉、冬菇等材料，個個都脹卜卜好足料。但盆菜入面燒鴨就比較肥膩。
另外我地有叫到百花鑲蟹鉗12隻($236)。蟹鉗都算大隻，蟹肉彈牙有蟹味，另外有甜酸醬送。唯一不足之處就係唔係即炸即食，所以外層已經唔脆。
依個瑤柱花菇燴伊麵($148)感覺一般，伊麵比平時出面食開嘅林，醬汁足夠，西蘭花煮得啱啱好，唔太硬唔太林。
因為親戚有人食素嘅關係，我哋叫咗個富貴如意上素($148)，要讚嘅地方係菇片非常爽口，外型同鮑片差唔多，但腐竹就比較硬身，同埋菜單上寫明有雲耳但就唔係幾多。
整體上，新春盆菜同其他餸都唔錯，下年應該會再叫。
张贴
