嵐橋丼飯專門店 (已結業)

好想食日本菜搵唔到有啲咩食，丼飯最好不過。而且好想食日本嘅炸物，雖然平時都會食魚生不過今次就想試吓其他。新開網上面又有咁多人介紹，諗住平平哋食個晚餐。套餐有一碗湯，叫咗一個吉列牛飯，炸得非常之唔錯外皮脆脆的，入邊仲係粉紅色。非常之嫩滑，而且肥瘦適中旁邊仲有一隻蛋俾我撈勻食，非常之香濃。由於真係好想食炸嘢所以呢我都叫多咗個炸串，我就揀咗豆腐。外皮一樣炸粉落得啱啱好唔會太厚，另外入邊亦都唔會好老！朋友就食咗啲刺身，非常之鮮味。間野又抵食下次一定再去