新星海鮮酒家 (已結業)

上星期同朋友慶祝生日，我地一行六人嚟咗呢間酒樓打邊爐。當晚我地order 咗肥牛啦、菜啦、魚啦、幾樣肉丸等之類之類一般打邊爐會order 嘅食物,而我地覺得最正就係碟鮮牛肉，又新鮮又唔un，幾好味。而個侍應d服務態度就十分好兼值得一讚，皆因由我地初初入嚟時佢都幾好笑容又識講吓笑，到後期當佢一個人要照顧差唔多半個廳咁滯時，明顯有好大差別(咪就係"殘"咗好多囉)! 雖然係咁，但每當d客人叫佢換嘢呀，order嘢呀咁，佢次次嘅應對都好好，無話黑口黑面，悔悔氣氣咁，只係會幫人客快快趣趣落單，反而個什麼部長呀或經理呀仲無佢咁好態度添，大家話呢d咁嘅員工真係邊度搵呀!!所以總括嚟講，我覺得呢間酒樓都值得大家去幫襯嘅。