理大美食坊

营业中

休息中

大學食堂俾人嘅感覺往往係好難食，今日就去試下理工嘅飯堂係咪真係咁難食先。地點唔駛點講啦，紅磡站一出就係，入到去見到鐘樓轉右再喺便利商店隔離落一層嘅右邊就係，好多自由行都識去。不過有時要睇証件先俾入。講咗咁耐，今日介紹嘅係切雞飯，出面普遍都要接近三十蚊，呢度仍有二十蚊有找。係咪好感動先？簡直係糧尾佳音。個飯係比較軟身，雞大概有六件，不過骨碎都幾多下。雞嘅雞味一般啦，一定唔係新鮮雞，有少少菜伴飯，比較健康。不過咁嘅價錢不能要求太多。汽水係自助，有個杯俾你自己喺汽水機自取。