影片
更多
2010-06-10
54 浏览
大學嘅食堂一晌都為人垢病，成日被人話唔好食，未試過就不作評論，咁裡面嘅中菜館又點樣呢？今晚一大班朋友相約在城軒，當中有城大校友，用佢嘅校友信用卡，打個九折變相慳番咗個加一。本身晌依頭返教會，以前崇拜後都有間中哩飲茶，所以都知佢晌邊，但其實，未哩過嘅人就真係幾難搵，離開地鐵入到城大，仲要左穿右插，又落又上先去到，但咁多年，都唔覺佢加D告示牌之類俾條生路哩行，一係就預咗唔多想做生客，一係就諗住路在口邊，隨手搵個城大生都做到人肉路牌，何需花錢整！酒樓無乜特別裝修，尤如一間屋村酒樓，算係平實之類，然而，今日閒日，我哋坐晌近口門靠窗個排枱，雖然無望入去大堂位，但都唔多覺有好多人進進出出，相信真係唔多人；招呼都係做到基本嘅，都合格啦！先點兩個餐前小食，都係廿零碟：椒盬脆炸豆腐 – 豆腐就脆炸咗，不過無乜椒盬啫，香脆有餘，味道不足。蜜餞蓮藕片 – 好味喎，藕片蜜餞後軟腍腍，幾好咬，甜得哩唔太「漏」，不過份量少得可憐。再哩是日孖寶配搭，每份百鬆D，份量都夠數，食得過：芝士海蝦伊麵底 – 大大碟，大概9-10隻大海蝦，可惜蝦肉唔算好爽；而芝士汁好多，撈完麵食都仲夠撈埋D飯。招牌燒腩仔 - 腩仔打側三排咁
本身晌依頭返教會，以前崇拜後都有間中哩飲茶，所以都知佢晌邊，但其實，未哩過嘅人就真係幾難搵，離開地鐵入到城大，仲要左穿右插，又落又上先去到，但咁多年，都唔覺佢加D告示牌之類俾條生路哩行，一係就預咗唔多想做生客，一係就諗住路在口邊，隨手搵個城大生都做到人肉路牌，何需花錢整！酒樓無乜特別裝修，尤如一間屋村酒樓，算係平實之類，然而，今日閒日，我哋坐晌近口門靠窗個排枱，雖然無望入去大堂位，但都唔多覺有好多人進進出出，相信真係唔多人；招呼都係做到基本嘅，都合格啦！
先點兩個餐前小食，都係廿零碟：
椒盬脆炸豆腐 – 豆腐就脆炸咗，不過無乜椒盬啫，香脆有餘，味道不足。
蜜餞蓮藕片 – 好味喎，藕片蜜餞後軟腍腍，幾好咬，甜得哩唔太「漏」，不過份量少得可憐。
再哩是日孖寶配搭，每份百鬆D，份量都夠數，食得過：
芝士海蝦伊麵底 – 大大碟，大概9-10隻大海蝦，可惜蝦肉唔算好爽；而芝士汁好多，撈完麵食都仲夠撈埋D飯。
招牌燒腩仔 - 腩仔打側三排咁放，一望已睇到唔肥，外皮又幾脆，食落唔過鹹，掂喎！
平價小炒，$28-$38，成為是晚嘅抵食攻略：
咕嚕玉子豆腐、翠玉瓜炒鴕鳥柳、西芹雞柳、蝦醬通菜煲、蘿蔔牛腩煲、栗米斑塊、蜜汁叉燒豆腐、東江雞 – 唔好見我哋叫咁多嘢就以為有好多人，其實得10個人，仲要女多男少，但又唔好搞錯以為食班女士好大食，實情係佢嘅小炒唔係好大碟，比平時晌酒樓見到嘅份量細，所以呢，個價錢睇落確係好平，但唔算得上話好抵，不過，份量細細就可以令我哋叫多幾款嘢，大家就多D選擇。至於味道方面，屬於中等，不過不失咁，試勻咁多款，無話邊碟印象深，叫人有D好又一餐、唔好又一餐嘅感覺！
糖水甜點四喜臨門，雪耳木瓜就食晚飯送嘅，其他三款就額外叫嘅：
雪耳木瓜 – 免費糖水，一般，為咗令人覺得餐飯抵食所送嘅。
椰汁馬豆糕 - 椰汁香，馬豆夠腍，唔馬虎。
杞子桂花糕 - 杞子唔多，都有朕朕桂花味，但稍嫌糕身較削。
椰絲芒果糯米卷 – 幾個甜品中較為正，可能有芒果啦，芒果肉又甜又香，而糯米卷做得都煙糯。
要打分，俾佢65分啦，鬼叫佢D小炒咁平咩，又唔太過差，成晚我哋又傾得咁開心，自然感覺餐飯都正面D嘅！
张贴
