素食一家 (已結業)

潮食開sem飯，我身為庄友，請老鬼食飯是常識吧，首先有唔少人都話素菜老餅，多油，裝修老套。但係今次極度唔同，因為呢間嘢似樓上cafe咁舒服，老闆仲幾靚仔，似周柏豪。素食一家出名少油，齋菜又唔會太簡單，有新派pizzas 之類，庄員食過都話正。好似有味黑松露炒 雜錦菇，惹味又清新，黑松露極多，唔講都唔知係齋。整個有機可樂，正，好特別，係美國入口，全香港只此一間。有機可樂飲落無咁甜，仍然多氣， 有趣有趣。怕肥飲茶，好似無茶錢，唔肯定。藕餅係煎既，健康好多。藕餅我覺得幾正，我影得樣衰啫，係爽口既。總之以後落旺角，一班同學想食耐啲，吹多陣水，咪再搵放題嘈住哂，簡單惹味素菜，坐卡位，得咗!