雞翼山 (裕民坊YM²)

营业中

休息中

近排實行168減脂增肌飲食，今日就半放肆一下，雞翼都算係半生酮掛，哈。外賣用個類似麥記以前開心樂園餐既盒裝住，靚得黎又方便拎返屋企食。裡面有3隔，裝住3款唔同口味既雞翼。3款味道分別係：鹹蛋黃焗雞翼、櫻花蝦雞翼和鹼檸七雞翼。3款雞翼都係King size，肉質係肥美爽彈，有少少肉汁，外皮輕輕脆炸過，放左兩個鐘頭都咁好食。櫻花雞翼係將櫻花蝦混合蜜糖做醬汁，甜甜咸咸咁，好惹味，係出面未見過既味道，絕對值得一試。店舖好開揚，而且幾有本土特色。食雞翼都有咁多款套餐同味道。竟然連關東煮都有。