百樂小館 (已結業)

呢日去到位於尖沙咀美麗華既百樂小館食潮州菜，座位比較寛敞，而且侍應服務都唔錯，同屋企人或者朋友黎邊嘆潮州菜邊傾下計，都係個唔錯既選擇😁胡椒豬肚湯 (1位) $68 / (4位) $168一黎到就飲個湯先，胡椒味道濃郁，辣勁十足，豬肚煙韌不膻，仲有苦瓜同豬肉作湯料。糯米炒肉蟹 $498一上枱已經見到肉蟹好巨型🤣，下面鋪滿軟糯既糯米飯。肉蟹加上胡椒等香料去炒，所以食落又香又惹味，而且啖啖肉，又夠鮮味！食到好滿足😆半煎煮馬友魚 $298上枱後侍應細心幫馬友魚起骨，等我地可以啖啖肉咁食😋，魚湯醬汁煮得入味，鮮而不腥，魚肉反而十分香甜，而且好嫩滑，就連旁邊既蘿蔔配料亦變得鮮甜，讚喔😙 香煎蠔烙 (小份) $78/ (例) $98雖然話係小碟，但其實size並不小🤣呢款相較於平時油炸既蠔烙，雞蛋成份更多，食落亦無咁油膩。中間灑滿左蠔仔，蠔仔質地飽滿，蠔味亦出。福果芋泥 (每位) $42一打開盅蓋就見到滿滿既芋泥😍，而且仲熱到冒緊煙🤣上面既福果煙煙韌韌，芋泥做得綿密，甜度適中豆沙鍋餅 $38同一般見到既上海豆沙鍋餅不同，佢地呢款豆沙鍋餅比較厚身，有啲似炸麵包既感覺。中間係棗紅色既豆沙餡，外層炸得酥脆