柳氏家 (已結業)

自從尖沙咀之前有間大大鑊自選配料炒嘅韓國菜結業後，我一直都好回味，最終比我搵到呢間。 呢度除左炒雞之外，仲可以打埋邊爐，簡直將我所有想食嘅野集於一身😍仲係任食100分鐘，今次想唔飽都幾難啦！我地叫左柳氏家辣炒雞+牛肉，大大pan咁上菜，即場炒好吸晴😍雞肉惹味嫩滑，牛肉有口感😋另外，差唔多食完再可以炒飯😍外面有salad, 火鍋配菜同埋醬料可以自助拎，選擇幾多。 飲品都係任拎，除左汽水之外，仲有咖啡機添~ 最後，仲換上火鍋，加上韓式泡菜湯，落埋個韓式公仔麵，唔講以為自己身處韓國😍😍值得一讚嘅係，每張枱都內置左usb充電位，超貼心架👍