81手工餃子 (已改名) 查看

一向都好鍾意食呢間餃子，粒粒都大大隻🤩之前食過好多次煎餃，粒粒都金黃香脆😋今次朝早嚟到就唔想食咁熱氣，所以就食下湯餃啦！叫咗韭菜餃配粟米冬菇豬肉餃雙併😛餃子足足有湯羹咁大隻，而且餃子皮又薄又滑，仲非常有內涵😍😍韭菜餃韭菜同肉嘅比例啱啱好，唔會有好多肥豬肉，非常香口😝粟米冬菇豬肉餃入面有大量粟米🌽食落有冬菇香味😍湯底鮮甜，仲有有花膠紅蘿蔔同粟米，感覺清潤滋補😚超好味！一定要繼續幫襯！！