桜

营业中

休息中

已經好耐冇食過手卷，咁岩今次同友人都都食完正餐，又口痕，就決定黎掃下街食個手卷。手卷選擇好多，多到我企左係門口10分鐘都未決定到，樣樣都想食，價格合理。我自己嗌左個加拿大海膽手卷，入面有兩大塊海膽，泥黃色既海膽好肥厚，啲海膽鋪滿晒手卷面，冇咩腥味，質感較實身，暖暖既飯溶化左海膽，真係做到入口即溶。仲有嗌左三文魚腩手卷，切到厚厚既一大條，肥美嫩滑，個紫菜都小脆，重點係食到最尾都仲有三文魚腩，份量好滿足。手卷入面既份量好大方，一舊食落去已經飽飽地。如果唔想三餐食太多，呢個都可以算係唔錯既選擇黎。