犇道 Chef Ben- Cafe & Steak Bar (弦海) (已結業)

平時係屯門河畔附近跑開步既時候， 留意到有間裝修唔錯既新餐廳，平時都幾旺場， 一直想搵機會試。 終於搵左個星期五晚試一試！🔥🔥🔥一坐低就見到其他枱既食客枱面好大舊， 好搶眼既超大斧頭扒！ 經侍應介紹，原來呢個係呢道招牌菜 - 澳洲M5 頂級斧頭扒配薯條 + 3 杯啤酒 $1388。當然唔可以錯過啦！Order ! 😍😍😍飲住杯 Stella 一路嘆住咁靚既河景， 爽！😌斧頭扒即叫即整， 大約等左20分鐘， 終於上菜啦！🥰果然冇令人失望， 份量十足。其間侍應過黎介紹切法， 同斧頭扒既特點， 服務好周到。👍 上面放住三舊又香又美觀既牛油。 炸得好香脆既薯條。斧頭扒表面煎得好香，中間既肉充滿粉紅色既肉汁😍 牛既脂肪分布都好均勻， 夾埋一齊食， 肉香爆棚！！！配上既肉汁好濃郁！今餐食得好滿足， 以咁大size 既扒同肉既質素黎講， 呢個價錢絕對對得住！ 而家周圍環境又好， 都會推薦朋友黎試下。