金坊泰國美食

营业中

休息中

之前喺荃灣幫襯過，嗰間好似好多人排隊，呢間就唔使點排隊同埋環境舒適啲。串燒d肉唔會好乾身，保留到肉汁， 熱辣辣上碟，好味道。雜菜炒粉絲，好惹味，粉絲唔太乾亦唔太濕。明爐蒸馬友（冬陰公湯底），條魚都新鮮，啲魚肉幾滑嫩，雖然啲冬陰公湯底冇令魚肉好入味，但係就咁點湯都唔錯，小小酸酸地辣辣地。泰式炸魚餅，新鮮炸出來，好彈牙，而且大大件，總共有八件，好食同抵食！芒果糯米飯，兩色糯米飯超級多，芒果好似有啲少，個比例好似怪怪地。我較喜歡食班蘭糯米飯，個紫糯米飯我覺得太濕。芒果就唔係好甜但又唔太酸，過得去。唔知點解呢個甜品係配膠叉，如果環保啲會好啲。