雲魅 (已結業)

餐廳有落地大玻璃，景觀開陽，光綫充足。雲魅小鍋米線（+$10配肥牛）$68 （配小食及飲品）好大碗！米線、酸菜、炸醬同魚腐分量好足。酸菜夠酸，個人鍾意食酸野，所以覺得好夠味😋。炸醬唔係平時三哥甜甜地既炸醬，偏咸鹹。米綫煮得岩岩好，軟硬適中，唔會淋到一夾就斷👍。 雲魅香煎雞扒配米線  $68（配小食及飲品）好多雞扒，件件都好大塊，雞肉香脆嫰滑，雞皮無咩脂肪好薄好脆，平時唔食雞皮既我都食曬😆。米綫好大碗，但湯底好清淡得鹽味，所以撈埋涼拌黑木耳汁會好味啲。米線軟硬適中，小小不足位係米線有啲碎好難夾。不得不説份量好多，飽到食唔晒🙆‍♀️。泰族手撕鬼雞酸酸辣辣好開胃🤤，無骨啖啖肉，而且分量多到食唔晒，不過肉質略為有啲唔夠嫩。涼拌黑木耳醬汁酸酸地微辣，木耳爽口唔淋😛，辣味係口水雞既辣味，用汁撈米線食幾好味。青檸姜蜜冬天暖胃之選🥰！青檸、檸檬同蜜糖酸酸甜甜，味道好濃。加埋薑飲落去暖笠笠~紅棗蜜甜度適中唔太甜，真材實料，真係有紅棗肉係底👍，好養生滋潤。