名川麵棧 (已結業)

今日同媽咪嚟開元朗經過呢間小店見到好多人門口每一枱都坐滿於是就入去試吓餐牌有好多選擇我哋叫咗一個牛牛餐一個特盛大豬餐(啲名好cute😂)食物好快就送到媽咪話個牛牛餐好足料啲牛腩炆得好淋而且有牛味個濃骨湯底飲得出冇味精至於我個大豬餐真係好豐富啲豬軟骨炆到好淋個吉列豬扒炸得啱啱好唔乾我叫咗蕃茄濃湯唔會話太杰身 亦都幾好飲好有住家味道食到一半再試埋佢個辣椒油辣椒油就唔算特別香不過都幾夠辣飲品一杯係凍咖啡 一杯係鴦走咖啡唔澀口媽咪話杯鴦走都幾滑茶餐廳來講算幾好飲食完呢餐我哋兩個夜晚嗰餐都飽到唔係好食得落😂所以真係好大碗幾抵食