十兄弟車仔麵 (已結業)

今日喺灣仔行街行到餓餓哋，於是就去咗十兄弟車仔麵就坐低醫下肚！咁我就冇理咁多嗌咗碗招牌八寶面因為實在太肚餓啦！點知碗麵份量都非常大，佢入面有好多材料，有牛坑腩，豬紅，豬皮，大腸，蘿蔔，粟米，雲耳同埋辣魚蛋， 樣樣嘢食都好好味其中最讚嘅係大腸😋大腸完全係好索好入味同埋好乾淨！仲煮得好冧添！至於其他食物當然係都係錦出色啦！👍咁難得一場黎到，咁我梗係要試埋佢啲招牌小食啦！我就叫咗個香炸墨魚丸同埋炸雲吞！兩樣嘅炸物都好出色👍墨魚丸炸得好外脆內軟但而雲吞亦都非常脆卜卜！大家行過灣仔一定要去十兄弟車仔麵度食嘢啊！🥰