炎天丼 (已結業)

行開旺角諗住係女人街是但搵間餐廳快食，冇諗太多就入左呢間餐廳。一坐底嗌完野食，店員就奉上一碗麵鼓湯，餐枱亦有齊餐具櫃、裝左檸檬水既水壺、飯素及七味粉等配料，好細心。我同朋友兩人一人嗌左一個海鮮天丼，上菜就見到真係抵件夾大食，有魷魚、蝦、茄子等幾種天婦羅，加埋份量唔算少既飯，性價比非常高。天婦羅食落香脆，海鮮味都keep到，野菜方面，除左個人認為炸菜心有d唔夾，整體質素都唔差。最後追加左海膽天婦羅，入口即溶，墊左紫菜令口感更加豐富。