漁吉海鮮丼專門店 (已搬遷) 新店位置

九龍城終於有得食"丼"喇!! 轉角新開左間丼飯專門店, 舖面雖少, 但裝修格調吸引左路過既我地入去一試!呢度既"丼"平均為二百蚊左右, 更提供茶壺蒸、湯同埋小食。可能用心製作需時, order後其實等野食都幾耐下...檯面上有一壺用暖壺入好既味噌湯, 可供食客無限潻飲。不過就算飲前搖勻後, 味噌湯偏鹹, 飲左半碗我就冇再飲。【漁吉特選丼】HK$188丼飯上既刺身豐富得將整個丼飯埋沒, 完全見不到飯, 刺身包括有左口邊、三文魚、白肉豚、台立、櫻花魷魚、帆立貝、赤蝦、星鰻、三文魚籽、海鰻、蟹籽、玉子。刺身整體上都非常新鮮, 赤蝦很肥美飽滿, 入口爽口鮮甜;特長星鰻表面被稍為燒過, 配上少少燒汁, 令鮮甜味更為突出。呢款丼飯同時亦滿足不同口感, 櫻花魷魚既爽口度, 三文魚籽既鹹香味, 仲有大量既蟹子豐富了口感。醋飯飯量都幾多, 其實食一碗已經好飽肚。【汁燒豬軟骨】HK$42豬軟骨非常入味, 軟骨位炆得好林, 但味道偏鹹。如果個汁淡返少少會好d~整體黎講, 呢度主打既丼飯質素算唔錯, 大大碗都係二百蚊左右, 仲好飽肚tim。