烏蠅館 (已搬遷) 新店位置

朋友成日都話想上深圳食烤魚，但係我就唔想去到咁遠食野，無意中發現尖沙嘴有一間食冒菜既餐廳，就一齊去食烤魚啦！呢度有幾款唔同既烤魚套餐，有辣同蒜香味可以選擇，同埋可以選擇叫唔同數量既配菜。我地得兩個人，所以就叫左6款配菜既烤魚套餐！烤魚真係好大盆啊，入面啲料真係多到呢！我朋友唔係好食得辣，所以我地叫左蒜香味，所以烤魚係有濃濃既蒜香味，建議要叫返樣主食黎配，我地就配白飯。我地亦都叫左呢度既自家特飲，分別係凍既茉莉蜂蜜同埋熱既玫瑰蜂蜜，佢既飲品好清同refreshing,好適合配呢啲重口味既食物。