漁品酸菜魚火鍋放題 (已結業)

今晚約左朋友去大圍「漁品酸菜魚火鍋」食魚🐟，之前食過放題好正，所以今晚再食見到有個新既烤魚二人餐，朋友話不如試下新野，咁就決定點呢個！二人餐包一條大大既龍躉、一人一罐飲品、炸黃金魚皮、雜菇/蔬菜、響鈴芋頭同烏冬餐廳好貼心，提供一煲熱水滾住咁用黎洗餐具黃金炸魚皮好好食，好鬆化，好脆，夠咸蛋味！唔會好硬同過咸響鈴好食，大件又鬆化雜菇拼盤有五款菇，份量夠曬開頭見唔係好多野，但食落係超豐富，我咁拆得都竟然食唔曬主角出場，好大條賣相好靚，聞落好香，急不及待我地揀左酸菜口味，另外還有蕃茄同香辣味可揀！酸菜味都有少少辣，又酸又辣，超惹味越食越開胃個煲本身除左條大魚同酸菜之外，重有勁多配料，例如冰豆腐、洋蔥、木耳、蓮藕、芽菜、青豆、薯仔片等等龍躉係有骨，但唔多，唔係幼骨，唔識點食骨既我基本都無咩難度肉質新鮮，唔會淋pat pat，比較結實有魚味，正野黎埋單先一人二百鬆dd，抵食！冷氣夠，座位寬敞，食得舒服