Check in Tokyo (已結業)

上星期試左波子汽水混士多啤梨味已經覺得好好味!本身好鍾意士多啤梨味既甜品!難得搵到間雪糕賣士多啤梨味仲要咁好味!緊係要再黎啦!點知隔左一個星期已經冇再賣士多啤梨味啦 店員話轉左哈密瓜味我未試過驚唔岩口味，所以揀左波子汽水味而男朋友就波子汽水混哈密瓜味試食左佢果杯一啖我開始後悔啦因為佢果杯好好味呀!哈密瓜味好清甜!反而我自己麻麻地波子汽水味!下次點都要混其他味!雖然比較快溶，但真係好大杯!連雪糕筒內底都裝滿晒!味道又唔錯!成日轉口味夠新鮮!食完好飽好滿足呀!呢間一定會再黎食架!