Ask (已搬遷) 新店位置

見到很多Ask的相片都係好靚，尢其係杯咖啡，隻可愛熊仔好可愛的，一直都想去飲下，今天終於有點空可以遊走上環一帶，出左地鐵站後行左幾分鍾就遠遠的看到Ask, 一坐下，問問店員有沒有呢一杯熊仔拉花咖啡，點知負責拉花咖啡的師傅不在，佢話拉唔到唉，咁算啦，再看看menu. 我又𢱑爆頭諗唔到食乜，因為冇乜吸引到我食，最後唯有叫左杯hazelnut chocolate同一個香辣雞腿肉意粉，杯朱古力上枱後，有一個唔知乜既拉花，好唔實，易散開的，相都唔影試一啖，係極死甜！我個人接受唔到，甜到我冇辦法飲落去，投降至於意粉亦不覺有何特別，係有D油，我都冇影相就食，有辣味，有唔嫩的雞肉，意粉方面好一點，不淋，但是試過就算了