河內安格斯生牛肉湯河🐂
食越南pho最緊要先品嘗個湯！雖然呢間越南店嘅湯相對”瀆”，而且可能因為用上安格斯牛肉，所以湯底嚟講係相對油，但味道上係非常美味同非常出色，好重牛香！另外再加上少少青檸汁，湯頭會變得更清甜。而上餐時生牛肉仍處於半生狀態，加上用上安格斯牛肉，肉質非常軟嫩，完全唔會”鞋口”。
越式蒜蓉牛油炸雞翼🧄
蒜蓉牛油雞翼講到明製作需時，但真係非常值得期待。加上$88只有6隻雞翼，價錢都唔平。每隻雞翼嘅size都算大隻，加上即叫即整。蒜蓉香加牛油香，雞翼又醃得好入味，所以雞翼上枱時係又熱又脆又juicy，非常出色！
小總結💬
小店空間有限，所以peak hours真係應該要等。加上小店服務時間都需要留意，因為會有落場時間。生牛肉pho同雞翼都非常出色！！！！有機會真係要再試埋其他食品。
(滿分為🤤x5)
好味指數: 🤤🤤🤤🤤🤤
抵食指數: 🤤🤤🤤🤤
回頭指數: 🤤🤤🤤🤤🤤
